其實東京近郊都可以好好玩！
特別係距離東京約一小時的埼玉縣
睇下毛利為大家為介紹超正的一天行程啦！
__
是日行程：姆明谷 - 川越 - 越谷LakeTown
相信姆明谷也是最近東京近郊的旅遊熱點
早上由池袋出發，坐西武池袋線，飯能市 元加治站下車
右轉出電車路到對面，路經Lawson 便利商店
再直走到十字路口右轉看到棒球場後方正是 （約20分鐘步程）
很多有趣的屋子，而且都可以進內參觀
可算是一個小朋友的樂園，亦有一些遊樂設施
連管理員叔叔亦超有心思的！他送我自己摺的超迷你摺紙公仔
*值得一去指數：6/10 就到此一遊的景點，小朋友會更適合吧
———
原路回程到川越市，西武池袋線元加治站到東飯能站
再換乘JR東飯能站到川越站 （約48分鐘車程）
_____________________________
到達川越站東口左轉，穿過一條商店街
這條商店街超多店鋪及食店，超好逛！
穿過商店街就到小江戶了！
蕃薯是這裡必食！未免太多款式了吧
我試了在時之鐘旁的一間紫薯雪糕芭菲
真係好似食緊涼涼的紫薯蓉一樣，必試！！
另外小江戶必買名物莫過於呢粒小饅頭了
皮薄餡靚，大大粒蕃薯仲有紅豆蓉
仲有好多其他排隊美食不能盡錄
*值得一去指數：9/10 四處都充滿古日本時代氣息，而且有美食有街逛
絕對值得一去！
___
日本店鋪早收大家都知道，所以呢個時候一定係去逛商場了
回東京順道要去的就係位於於越谷Laketown站的大型Aeon Town
講得話town，大家真是少一點腳骨力都行不完！
總共有三大個商場連接，其中一個仲係Outlet 添！
喜歡行街的朋友們千萬不要錯過！
川越站到越谷Laketown站 （約56分鐘車程）
*回東京市約一小時車程
_
總結：郊外，拍照，穿越小江戶，美食與逛街的一日行程
平時到東京去少會考慮到埼玉縣，原來坐車是這麼近
而且川越比我想像中好逛，畢竟東京比較少類似的商店街
景色：* * * *
美食 ：* * * *
購物 ：* * * *
將會繼續編寫東京近郊一日行程，記住留意呀！**
——————————————————————————
更多日本旅行｜行山資訊？
快D去LIKE我FACEBOOK PAGE 啦！
任何交流｜查詢 :
mollystravelbook@gmail.com
FACEBOOK: 毛利 MOLLY CHEUNG
INSTAGRAM: MONEYMOLLYXX
留言
張貼留言